انفرجن ميثود

السلام عليكم ورحمة الله وبركاته

اتمنى تكونون بصحة وسلامة*

بما انه اول موضوع في المدونة راح يكون هدية للمهووسين في تطويل الشعر او الي جربت جميع انواع الحلول و ما نفع معها .

زي ما تكلمت في سناب من كم يوم عن انفرجن ميثود الي هابين فيها البلوقرز العرب و الاجانب حبيت انقل لكم الطريقة الصحيحة لها .

فكرتها " هي انك تمشين ع نظام لمدة 7 ايام متتالية كل شهر عشان تعطيك نتيجة كويسة ،

راح انزل لكم طريقتها بالصور وراح اكتب تحتها بالترقيم طريقتها بالتفصيل ان شاء الله "

1- تختارين زيت مناسب لك ويفضل زيت جوز الهند لشهرته في تطويل الشعر .

2- تحطين الزيت عالنار لما يصير دافي.

3- وزعي الزيت على شعرك من الأمام .

4- وزعي الزيت ع باقي شعرك و مشطيه بفرشة اسنانها متباعدة عشان تساعد في توزيع الزيت ع ادق المناطق .

5- سوي مساج خفيف لراسك لتنشيط الدورة الدموية وعشان الزيت يتغلغل جوا المسام .

6- اقلبي رأسك وزيتي من تحت وسوي مساج لفروة الرأس .

7- ظلي قالبة رأسك 4 دقايق مع مساج خفيف وبعدها عدلي رأسك شوي شوي .

8- غطي شعرك بالشاور كاب او كيس لمدة 8 ساعات ماكسيمم او اقلها 3 ساعات .

9- غسلي شعرك كويس ونظفيه بشامبو ممتاز .

موفقين جميعا ♥.

أهم شغلة قيسي شعرك قبل وبعد ال7 ايام المتتالية .