السلام عليكم ورحمة الله وبركاته
اتمنى تكونو بصحة و سلامة
زي ما وعدتكم في السناب اني راح اتكلم عن الحمام المغربي وبلأخص صابون
موروكان اويل بزيت الزيتون
***
***
فائدة الحمام المغربي راح يسوي لك
تقشير
و توحيد لون الجسم
وهذا بالضبط الي نبغا نوصل له
طيب كيف الطريقة ؟
اول شي لازم ناخذ شور ساخن عشان يفتح معانا المسام و يسهل عملية التقشير
ونقفل الشبابيك والمراوح عشان نستفيد من البخار .
بعدها راح توزعين الصابون المغربي على كامل جسمك
وتتركينة ما يقارب العشر دقائق
الحين وصلنا للتقشير
راح تاخذين القفاز وتنقعينة بماء ساخن وتفركين جسمك
وتنظفينة كويس من الصابون لأنه قوي
طريقة الفرك
(تبللين القفاز بماء ساخن وتفركين من تحت لفوق صعوداً عشان يساعد في تنشيط
الدورة الدموية و يقشر معاك الجلد الميت وراح تلاحظينة يطلع بالقفاز )
المهم اذا امتلأ القفاز بالصابون والجلد الميت ارجعي بللية بموية ساخنة تكون جنبك **
بعد التقشير غسلي جسمك بموية باردة عشان يتقفل المسام ويشد معانا البشرة
أخيراً وأهم نقطة والي الأغلب يغفل عنها لما يسوي حمام مغربي بالبيت
هي{ الترطيب }
ضروري ترطبين جسمك بمرطب قوي بعد ما تجففينة
انا استخدم زبدة الشيا من بدي شوب
ترطيبها قوي و عميق ويظل لليوم الثاني .
اخيراً اتمنى افدتكم واي سؤال تفضلو بالتعليقات تحت
***
ليست هناك تعليقات:
إرسال تعليق