خطواتي في تعلم اللغة الأنجليزية

     السلام عليكم ورحمة الله وبركاته

 

هذا الموضوع تكلمت عنه من فترة في سنابي يخص الطلبة الجدد الي تخصصوا في الجامعة لغة الانجليزية

ف بما اني خريجة لغة انجليزية راح ادون هنا أهم الشغلات الي ساعدتني في تعلم هذه اللغة الجميلة 

اولاً : ضروري يكون عندكم مخزون كلمات ضخم جداً في كل مجال .

فيه موقع استفدت منه في حفظ الكلمات والجمل اسمه Busuu

ثاني أهم شغلة الممارسة .

مارسي اللغة الأنجليزية لو لحالك قدام المراية شيء ضروري ومهم عشان يثبت معنى الكلمة في بالك .

لما كنت في مستوى ثاني كانت تجي لي مدرسة امريكية عرفت منها كيف اركب الجمل واسوي ربط بينها , 

واعطتني 400 كلمة وقالت هذي اهم 400 كلمة باللغة الانجليزية راح اضعها لكم

 

 ( هنا ) .

 

طبعاً حفظ الكلمات بدون ممارستها ماراح تكون لها فائدة ضروري تتواصلون مع اشخاص لغتهم الأم انجلش

وهذي الميزة راح تحصلونها بالموقع الي فوق ^ .

آخر و أهم نقطة هي قراءة قصص الأطفال باللغة الأنجليزية :

تتميز قصص الأطفال الأنجليزية انها تستخدم كلمات بسيطة وجمل مفهومة و واضحة .

 

كنت اقراء القصص و أحدد الكلمات اللي ما اعرفها بعدين اترجمها واحفظها و ارجع اقراء القصة من جديد

عشان تثبت الكلمات بعقلي .

للي يبغا موقع للقصص القصيرة راح تحصلونه ( هنا ) .

 

و أخيراً اتمنى ان اكون افدتكم ولو بالقليل وشكراً .